Angelina Jolie gati të largohet nga Amerika

Ëndrra e kahershme e Angelina Jolie për t'u larguar nga Shtetet e Bashkuara për vendet më të gjelbra të Evropës dhe Kamboxhias po bëhet realitet. Duke dëshiruar “më shumë privatësi”, aktorja dhe humanitarja 50-vjeçare po paketon gjërat dhe po shet pronën 25 milionë dollarëshe të Cecil B. DeMille në Los Feliz, ku jeton me gjashtë fëmijët e saj që nga viti 2017, thanë burime për Page Six, raporton Daily Mail, transmeton Klankosova.tv Nëna e gjashtë fëmijëve planifikon ta ndajë kohën e saj midis Nju Jorkut, ku ka butikun dhe punëtorinë e saj të fokusuar te artistët, Atelier Jolie, dhe Evropës, së bashku me Kamboxhian, ku ka një shtëpi që nga viti 2003, një vit pasi birësoi fëmijën e saj më të madh, Maddox. “Ajo nuk mund të largohet mjaftueshëm nga drama… e vetmja mënyrë për të bërë një pushim është të dalë jashtë”, tha për Page Six aktori dhe producenti Jae Benjamin, dhe bashkëpunëtor i gjatë i Jolie-s . “Ajo do të shkojë dhe do të çlodhet – duke punuar vetëm në gjëra që ia nxisin zemrën, shpirtin dhe pasionin. Është një grua e mrekullueshme, e talentuar dhe bujare”, vazhdoi Benjamin. Jolie - e cila dëshiron një fillim të ri që nuk sillet rreth jetesës në SHBA apo divorcit të saj të çrregullt nga Brad Pitt - e rinovoi dhe restauroi pronën prej 2.1 akrash, e cila mori emrin nga regjisori legjendar i Hollivudit që jetoi atje për herë të parë.  /Klankosova.tv