Anëtari i bordit të KOSTT alarmon se ka edhe incizime: Donin të na diktonin politikat frikësuese të Mihalit

Anëtari i bordit të KOSTT-it, Nebih Zariqi ka dhënë detaje të tjera, pas publikimit nga Nacionale të komunikimeve mes Dejona Mihalit të VV-së dhe Nagip Krasniqit, ish-kryeshef në KEK. Aty dëshmohet se si Mihali vendoste për shumë çështje në sektorin e energjisë në Kosovë, madje edhe kur të kishte reduktime të rrymës. Në një shkrim në Facebook, Zariqi ka thënë se me datën pesë gusht 2021, Komisioni për Ekonomi kishte ftuar në takim bordin e KOSTT-it: “Pikërisht për shkak të këtyre korrespodencave Komisioni Parlamentar për Ekonomi, Industri, Ndërmarrësi dhe Tregti me datën 5 gusht 2021 e fton Bordin e KOSTT-it në takim me dyer të mbyllura, me aludimin se diskutimi ka të bëj me sekret shtetëror e qe ne fakt asgje nuk kishte sekrete por donin ta friksonin Bordin dhe te diktonin politikat nënshtruese-friksuese të Mihailit( ekziston inçizimi-zerimi i ketij takimi)”. Tutje, ai ka thënë se prapaskena e këtij takimi ishin thashethemet e tre personave, duke përfshirë Dejona Mihali e Ngadhnjim Jakupi. “Prapa skena e atij takimi ishin thashethemet e Genc Kunushecit, Ngadhnjim Jakupit dhe Dejona Mihailit. Ngadhnjim Jakupi ( sekretari)ishte shkarkuar nga Bordi i KOSTT, pikrisht për falsifikm dhe shtrembërim të diskutimeve që anëtaret e Bordit i bënin në mbledhje( ekzistojne inçizimet dhe proçesverbalet ) Pra, kështu ka qenë strategjia e funksionimit të bordeve të kësaj Qeverie. Emrohen kinse të pavarur, por diktohen në çdo vendim që marrin.” “Pasi që Komisioni për Ekonomi, Industri, Ndërmarrësi dhe Tregti nuk arriti ta bind Bordin të funksionoj sipas direktivave të Qeverisë, zgjodhi rrugën tjetër defunksionimin e Bordit të KOSTT duke i shkarkuar njërin nga anëtaret me të dinjitetshem dhe profesional.” – ka shkruar Zariqi në fund. https://klankosova.tv/fyi-ferronikeli-u-shit-na-duhen-dy-qymyre-biseda-te-reja-te-mihalit-me-ish-kryeshefin-e-kek-ut-rreth-energjetikes/