Anëtarësimi i Kosovës në Bordin e Paqes, Çollaku: Kurti do duhej të ishte të paktën në sallë (VIDEO)

Opinionisti, Bekim Çollaku, në Rubikon të Klan Kosovës ka diskutuar për mospjesëmarrjen e kryeministrit në detyrë, Albin Kurti, në anëtarësimin e Kosovës në Bordin e Paqes, iniciativë kjo e nisur nga presidenti amerikan, Donald Trump.

Sipas tij, Kurti është dashur së paku të ishte prezent në sallën ku u nënshkrua anëtarësimi i vendit në këtë bord, transmeton Klankosova.tv.

“Meqë kjo ngjarje ka ndodhur në Davos, ku pjesëmarrës është edhe kryeministri i Kosovës, ai së paku do të duhej të ishte aty prezent, së paku në sallë”, tha Çollaku.

Në ndërkohë, presidentja Vjosa Osmani ka deklaruar se Kurti nuk ishte prezent në këtë ngjarje, për shkak se, siç tha ajo, Kushtetuta e Kosovës parasheh që politikën e jashtme e udhëheq presidenti.

https://klankosova.tv/osmani-tregon-pse-kurti-nuk-ishte-pjesemarres-ne-bordin-e-paqes/