Analistët në "Rubikon": LDK e fortë në Prishtinë, por vuan nga mungesa e punës në terren (VIDEO)

Votëbesimi që e kaloi Lumir Abdixhiku nuk do të thotë se problemet e LDK-së u zgjidhën. Analistët në “Rubikon” e thanë qartë: LDK nuk ka problem me demokracinë e brendshme, por me rezultatet. Paçarizi tha se LDK nuk ka problem me demokracinë e brendshme apo me udhëheqjen në Prishtinë, por me mungesën e rezultateve reale. Sipas tij, partia është shumë e përqendruar në kryeqytet dhe nuk po punon mjaftueshëm nëpër Kosovë, shkruan Klankosova.tv “LDK nuk vuan nga mungesa e demokracië, por nga mungesa e rezultateve, por sa të duhet demokracia pa rezultate? Mendoj qe LDK nuk ka vuajtuar as nga udhëheqja apo struktura në Prishtinë. Por Kosova nuk është veç Prishtinë. Nëse doni me mbërri rezultat në Kosovë, duhet me u shtri nëKosovë. LDK vuan nga mungesa e punës në terren”, tha Paçarizi. https://www.youtube.com/watch?v=SOgqvVmHT-k Deda theksoi se LDK ka qenë parti lideriste në të kaluarën, por ky model sot nuk funksionon më. Ai thotë se komunat që udhëhiqen nga LDK kanë profile shumë të ndryshme dhe nuk i lidh një ideologji e qartë. Sipas Dedës, thirrja e vazhdueshme në Rugovën nuk ka më peshë për votuesit e rinj dhe nuk u përgjigjet sfidave të sotme. “LDK i ka shtatë komuna, me shtatë profile të ndryshme liderësh që nuk kanë kurgjo të përbashkët, përpos që janë në një parti politike. Ideologjia, kauza... Ata munden me përkujtu, por nuk munden me u thirr në Rugovën.. për votuesit e ri dhe sfidat është nonsens”, tha Deda, transmeton Klankosova.tv https://www.youtube.com/watch?v=55Phk_ec6O4&t=102s Arifi kritikon LDK-në për mungesë guximi politik. Ai thotë se partia po i largon edhe kuadrot e veta dhe ka frikë nga bashkëpunimi me parti të tjera opozitare, veçanërisht me PDK-në. Sipas tij, udhëheqësit e LDK-së më shumë frikësohen të duken pro-PDK-së sesa pro Vetëvendosjes, gjë që e dëmton rolin e saj opozitar. “Prej që ekziston Kosova në parlament partitë opozitare kanë bashkëpunu, frika nga bashkëpunimi me PDK-në... politikanët e LDK-se më shumë frikësohen me u duk si pro PDK-së sesa pro VV-së. Pse tuteni prej LDK-së”, tha Arifi. /Klankosova.tv https://www.youtube.com/watch?v=iQuYOMnV54o