Amir Rrahmani luan nga minuta e parë kundër Qipros

Kapiteni i Kosovës, Amir Rrahmani, do të luajë kundër Qipros. Lajmi u bë i ditur nga Drejtori i Futbollit në Artmotion, Arlind Sadiku, i cili bëri të ditur se Rrahmani do të luajë nga fillimi sonte. Paraqitja e Rrahmanit ishte në dyshim shkaku i një lëndimi, por ai arriti të rikuperohet që të kthehet për ndeshjen që cilësohet të jetë vendimtare për "Dardanët". Kosova sonte me fillim nga ora 20:45 në "Fadil Vokrri" do të luajë përballë Qipros dhe kjo ndeshje do të transmetohet drejtpërdrejt në Klan Kosova. Ekipi i Alain Giresse do të synojë fitoren për ta siguruar edhe për një edicion qëndrimin në Ligën C të Kombeve./ Klankosova.tv.