Ambasadori suedez qëndron në Devolli Corporation, viziton njësinë Prince Caffe

Ambasadori i Mbretërisë së Suedisë në Kosovë, Jonas Westerlund, ka qëndruar sot në hapësirat e Devolli Corporation në Pejë, njësinë e Prince Caffe. Drejtori Dardan Shala i ka treguar të parit të Suedisë në vendin tonë për punën që bëhet në Prince Caffe, produktet dhe tregjet. Ambasadori Westerlund është shprehur shumë i kënaqur me arritjet e prezantuara, kurse ka shprehur interesimin që Prince Caffe ta rrisë bashkëpunimin me tregun suedez në të ardhmen. Ambasadori suedez ka premtuar edhe ndihmën e tij për të vendosur kontakte me kompanitë simotra të Devolli Corporation në shtetin suedez. Prince Caffe është një ndër brendet lidere të rajonit në fushën e prodhimit të kafesë cilësore. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS