Ambasadori Hargreaves inkurajohet nga entuziazmi i bizneseve britanike për potencialin në Kosovë

Ambasadori i Mbretërisë së Bashkuar në Kosovë, Jonathan Hargreaves, ka mirëpritur bizneset britanike që po e vizitojnë Kosovën këtë javë. Në një postim në platformën X, ambasadori tha se bizneset ishin entuziaste për mundësitë që iu ofron Kosova. “Ishte inkurajuese të dëgjoje entuziazmin e tyre për mundësitë këtu dhe admirimin e tyre për popullatën e re, të aftë dhe sipërmarrëse të Kosovës. Ka kaq shumë potencial për të rritur tregti dhe investimet mes Mbretërisë së Bashkuar dhe Kosovës”, tha Hargreaves, raporton Klankosova.tv. Ai falënderoi në veçanti Klubin e Biznesit dhe Aktivitetin e Promovimit të Investimeve dhe Qasjes në Financa të USAID-it “për organizimin e një ngjarjeje kaq të suksesshme dhe me ndikim”. /Klankosova.tv