Ambasada holandeze në Teheran do të rihapet

Holanda ka thënë se do të rihapë nesër ambasadën e saj në Teheran pasi e mbylli atë për dy ditë për arsye sigurie.

Në një deklaratë, ajo paralajmëroi se ambasada mund të përballet përsëri me mbyllje në të ardhmen, raporton SkyNews, transmeton Klankosova.tv.

"Siguria e përfaqësisë vazhdon të monitorohet nga afër, duke bërë të mundur një mbyllje të re në të ardhmen e afërt," thuhet në deklaratë.

Qeveria holandeze këshilloi kundër çdo udhëtimi në Izrael dje për shkak të situatës së pasigurt të sigurisë.