Lajmet e fundit
Të dielen në Kosovë u zhvilluan zgjedhjet e parakohshme parlamentare.
Rreth procesit të votimit, u deklarua edhe Ambasada e Gjermanisë.
Në një përgjigje për Klankosova.tv kjo ambasadë shpreson se institucionet e reja do të formohen shpejtë dhe në mënyrë konstruktive.
"Pas zgjedhjeve të rregullta dhe të qeta, mezi presim të bashkëpunojmë me institucionet dhe qeverinë e re, të cilat shpresojmë se do të formohen gjithashtu në një mënyrë të shpejtë dhe konstruktive", thuhet në përgjigjen e Ambasadës gjermane për Klankosova.tv.
Zgjedhjet e 28 dhjetorit, ishin votimet e katërta për qytetarët e Kosovës.
Këto ishin të dytat parlamentare, pas një bllokade prej më shumë se nëntë muajsh, ku nga zgjedhjet që u mbajtën më 9 shkurt nuk u arrit formimi i institucioneve të Kosovës.
Në bazë të rezultateve preliminare të publikuar nga Komisioni Qendror i Zgjedhjeve, Lëvizja Vetëvendosje është renditur e para me 49.34% apo 433 mijë e 394 vota.
Vendin e dytë e zë, Partia Demokratike që ka marrë 20.98% të votave apo 184 mijë e 318 vota, Lidhja Demokratike e Kosovës, ka marrë 119 mijë e 201 vota apo 13.57%.
AAK-ja ka arritur ta kalojë pragun zgjedhor duke marrë 5.66% apo 49 mijë e 698 vota.
https://klankosova.tv/zgjedhjet-e-1parakohshme-1ambasada-amerikane-mezi-presim-te-punojme-me-qeverine-e-ardhshme/
