Ambasada amerikane në Tiranë i uron mirëseardhje Blinkenit, jep detaje nga takimet

Sekretari i Shtetit, Antony Blinken, tashmë ka nisur vizitën e tij të parë zyrtare në Shqipëri. Ambasada e Amerikës në Shqipëri ka ndarë disa fotografi të mbërritjes së tij në aeroportin e Rinasit, duke dhënë detaje edhe rreth takimeve. “Gjatë vizitës së tij të parë në Shqipëri, Sekretari Amerikan i Shtetit, Antony Blinken do të takohet me presidentin shqiptar, Bajram Begaj, kryeministrin Edi Rama dhe do të marrë pjesë në një aktivitet të veçantë rinor në Piramidën e Tiranës, duke festuar të ardhmen e marrëdhënies ShBA-Shqipëri. Ai do të takohet gjithashtu me drejtues të drejtësisë dhe komunitetin e Ambasadës”, thuhet në postim, transmeton Klankosova.tv. Ambasada poashtu i ka uruar edhe mirëseardhje Blinkenit, krahas një fotografie duke përshëndetur të gjithë pasi ka dalë nga aeroplani. https://twitter.com/USEmbassyTirana/status/1758087110630785476