Lajmet e fundit
Si alkooli, ashtu edhe lëndët narkotike, janë të dëmshme për shëndetin e njeriut. Por pavarësisht kësaj, kryesisht të rinjtë vazhdojnë t'i konsumojnë pa marrë parasysh pasojat e rënda.
Por, një studim i fundit i ka dhënë përgjigje se cili mes alkoolit dhe kanabisit është më i dëmshëm për trupin e njeriut.
Sipas asaj që raporton prestigjozja britanike "Mirror", studiuesit e "IFLScience" kanë dalë në konkluzionin se alkooli është më i dëmshëm se kanabisi për jetën e njeriut.
Sipas këtij studimi, lënda narkotike krijon më pak varësi se sa alkooli.
Megjithatë studiuesit theksojnë se dëmi që të dyja shkaktojnë në trupin e njeriut është i lartë, duke apeluar për shmangien e tyre, transmeton noa.al, përcjellë Klan Kosova.
Sipas Organizatës Botërore të Shëndetësisë, pijet alkoolike mendohet të kontribuojnë në 3.3 milion vdekje në të gjithë globin çdo vit.
