Aliji: Uroj që sonte të festojmë

Mbrojtësi i Kombëtares së Shqipërisë, Naser Aliji ka thënë nëpërmjet faqes se tij zyrtare në Facebook se pret që sonte kuqezinjtë të fitojnë dhe të kualifikohen për në kampionatin evropian, Franca 2016. Aliji ka thënë se ishte e dhimbshme humbja nga Serbia ditë më parë, ndërsa minutat shtesë ka thënë se po janë fatale për ta. Për ndeshjen kundër Armenisë, Aliji ka thënë se pret fitore, transmeton Klan Kosova. Ky është postimi i plotë i tij: “Përshëndetje të nderuar tifozë, miq dhe shok!

Sot në ora 18:00, luajmë kundër Armenisë. Edi se jeni shumë të dëshpëruar me humbjen ndaj Serbisë, ashtu siç ishim edhe ne. Dy ndeshjet e fundit, minutat shtesë, për ne ishin fatale, por futbolli është i tillë, Nga dëshira e madhe për të arritur fitore ndaj tyre, në fund u ndëshkuam. Vërtetë e dhimbshme shumë! Urojmë që sot, të japin maksimumin për të arritur fitoren, e cila na mundëson kualifikimin në europianin “Franca 2016”. Urojmë që sonte, të gjithë të gëzohemi dhe të festojmë sëbashku ! I juaji Naseri!”