Albumi “30” i Adele bëhet më i shituri i vitit 2021

Albumi i Adele i titulluar “30” është bërë më i shituri i këtij viti, duke e kaluar edhe atë të Abba. 261 mijë shitjet e tij në tabelën e javës së parë do të thotë se ai kaloi me shpejtësi albumin e rikthimit të grupit suedez të popit, i cili u hap me 204 mijë shitje. Megjithatë, shifrat e shitjeve të Adelës janë dukshëm më të ulëta se ato të albumit të saj të mëparshëm, të publikuar në vitin 2015, shkruan BBC, transmeton Klankosova.tv. Albumi përbënte 67 përqind të të gjitha shitjeve fizike dhe u bë albumi më i transmetuar i javës. Ylli i lindur në Londër ka thënë se albumi  “30” është një përpjekje për të shpjeguar divorcin e saj.