Alarmi nga Banka Botërore: Ngërçi në Kuvend, bllokon edhe ekonominë (VIDEO)

Mosfunksionimit politik po ia sheh sherrin edhe ekonomia e vendit. Këtë e theksoi edhe Banka Botërore në raportin “Përshtatja për Rritje të Qëndrueshme” që u publikua para disa ditësh. Aty thuhet se vonesat në formimin e institucioneve qeverisëse, kanë ndikim negativ në ekonominë kosovare çka për organizatat e kësaj fushe duhet ngrit alarmin. Pa dikë që merr vendime, edhe çështjet më urgjente po mbesin në letër, përfshirë edhe çmimin e energjisë që po rritet pa asnjë reagim nga ekzekutivi në detyrë. Kjo situatë po konsiderohet se ndikon edhe në humbjen e investimeve nga jashtë. Edhe ministri i dorëhequr i Financave, Hekuran Murati shkroi të martën në Facebook se bllokimi i Kuvendit vonon dorëzimin e Kornizës Afatmesme të Shpenzimeve dhe ndarjen e granteve, duke kërkuar që partitë opozitare të ndihmojnë në formimin e Kuvendit. https://www.youtube.com/watch?v=ANILmfRC3Mw