Lajmet e fundit
Një alarm i ri evakuimi për qytetin bregdetar grek, Nea Makri është urdhëruar të martën, pasi zjarret e ashpra vazhdojnë të prekin periferitë e Athinës.
Një person ka vdekur, trupi që besohet të jetë e një gruaje, i gjetur brenda një dyqani në qytetin Vrilissia, në veri të Athinës, tha një burim nga shërbimi zjarrfikës për BBC.
Mijëra njerëz janë evakuuar pasi zjarrfikësit paralajmëruan se shtëpitë, bizneset dhe shkollat ishin nën kërcënim.
Reja e madhe e tymit që mbeti mbi Athinë u pastrua kur zbardhi e marta, megjithëse ajri është ende i mjegullt.
Helikopterët po fluturonin në qiell pasi u ndaluan gjatë natës për arsye sigurie.
Banorët në zonat e Athinës që as nuk janë prekur drejtpërdrejt nga zjarri thanë se kanë gjetur hirin e vendosur në ballkonet e tyre.
Zjarrfikësit, të cilët i kanë thënë BBC-së se janë "të rraskapitur", duket se po fokusohen në pikat e nxehta dhe jo në një front të madh zjarri.
Kushtet për zjarre të reja mbeten të rrezikshme jo vetëm të martën, por edhe për më tej gjatë javës, tha ai në një deklaratë të lëshuar të hënën në mbrëmje.
Më shumë se 700 zjarrfikës, 199 makina zjarrfikëse dhe 35 avionë bombardues me ujë janë përfshirë në përpjekjet për shuarjen e zjarreve, të cilat fillimisht shpërthyen të dielën pasdite rreth 35 kilometra në veri të kryeqytetit grek.
Kolonel Vathrakogiannis tha se dy zjarrfikës kishin marrë trajtim për djegie gjatë shuarjes së flakëve.
Zyrtarët thanë se zjarret shpërthyen në 40 vende të ndryshme të hënën dhe se disa zona panë flakë deri në 25 metra, shkruan BBC, transmeton Klankosova.tv.
