Aktorja e ''Star Wars'' kalon Krishtlindjet në spital

Aktorja e njohur e filmit ‘’Star Wars’’, Carrie Fisher ka kaluar Krishtlindjet nën kujdesin intensiv në Qendrën e mjekimit UCLA. Kjo pasi Fisher, pësoi një atak në zemër gjatë një fluturimi nga Londra në Los Angeles, njofton Klan Kosova. Zyrtarët e spitalit nuk kanë dhënë asnjë detaj të ri, në lidhje me gjendjen e saj, por bëhet e ditur që ajo është ende e sëmurë. 60 vjeçarja u dërgua në spital nga ekipe të departamentit të Zjarrëfikësve në Los Angeles pas mesditës së të premtes. Gjendja e saj u përkeqësua pas fluturimit të saj 11 orësh ku u raportua se ajo përjetoi dhe disa shqetësime nga lartësia, njofton Klan Kosova.