Aktori fitues i çmimit Oscar, Jamie Foxx mbetet i shtruar në spital në Gjeorgji dhe nën vëzhgim, tha një burim për CNN.
"Ata janë duke kryer teste dhe ende përpiqen të kuptojnë se çfarë ka ndodhur saktësisht", tha burimi.
Foxx ka qenë në Atlanta, Georgia, duke xhiruar filmin Netflix, "Back in Action", transmeton Klankosova.tv.
Burimi i tha më parë CNN se incidenti mjekësor nuk ndodhi gjatë xhirimeve dhe Foxx nuk u transportua me automjetin e urgjencës në spital.
Një burim i afërt me prodhimin e filmit i tha CNN se xhirimet janë “aktualisht duke u zhvilluar dhe pritet të përfundojnë javën e ardhshme”.
Ky burim nuk elaboroi nëse Foxx ka ende skena për të filmuar apo nëse ai do të kthehej në xhirime.
Vajza e tij Corinne Foxx ndau në Instagram të mërkurën mbrëma se babai i saj kishte përjetuar një "komplikacion mjekësor", duke shtuar se ai "është në rrugën e tij drejt shërimit".
●●●
LISHKRIMI NGA
L I
Editorial nga Klan Kosova — ndjek kulturë dhe zhvillimet e tjera kryesore të vendit.
