Aktakuzë edhe ndaj shtatë personave të tjerë për zgjedhjet e 14 shkurtit

Prokuroria Speciale ka ngritur aktakuzë ndaj shtatë personave për shkak të dyshimit të bazuar se në bashkëkryerje e kanë kryer veprën penale “Falsifikimi i rezultateve të votimit”, lidhur me zgjedhjet e Parakohshme të Përgjithshme Parlamentare për Kuvendin e Kosovës të mbajtura më datën 14 shkurt 2021. Në mesin e të akuzuarve janë H.Sh., ish-deputet i Kuvendit të Kosovës gjatë legjislaturës së vitit 2019 nga radhët e subjektit politik Aleanca për Ardhmërinë e Kosovës (AAK), të pandehurve S. M., A.K., I. H., G. H., dhe D. G. që të gjithë zyrtarë të Qendrës për Numërimin e Rezultateve të KQZ-së dhe të pandehurit P.P., transmeton Klan Kosova. Më poshtë mund ta lexoni komunikatën e plotë: Prishtinë, 30 dhjetor 2022 – Prokuroria Speciale e Republikës së Kosovës njofton opinion publik se lidhur me zgjedhjet e Parakohshme të Përgjithshme Parlamentare për Kuvendin e Kosovës të mbajtura më datën 14 shkurt 2021, ka ngritur aktakuzë ndaj 7 personave, për shkak të dyshimit të bazuar se në bashkëkryerje e kanë kryer veprën penale Falsifikimi i rezultateve të votimit,  e sanksionuar me nenin 216 të KPRK-së. Në mesin e të akuzuarve janë:  H. Sh. Ish deputet i Kuvendit të Kosovës gjatë legjislaturës së vitit 2019 nga radhët e subjektit politik Aleanca për Ardhmërinë e Kosovës (AAK),  të pandehurve S. M., A.K., I. H., G. H., dhe D. G. që të gjithë zyrtarë të Qendrës për Numërimin e Rezultateve të KQZ-së dhe të pandehurit P.P. Hetimet kanë vërtetuar se të pandehurit, kundërligjshëm ia kanë shtuar 65 vota kandidates për deputete M. H. S. nga radhët e AAK-së, kurse kandidatit H. Sh. ia kanë shtuar 3 vota. Hetimet arritën të dëshmojnë përfshirjen e kandidatit H. Sh në kryerjen e veprës penale, mirëpo nuk arritën të sigurojnë prova të mjaftueshme për të vërtetuar dyshimin e bazuar se M. H. S. ishte e përfshirë në kryerjen e veprës penale. Kjo çështje penale tashmë i ka kaluar në kompetencë Departamentit Special të Gjykatës Themelore në Prishtinë për procedurë të mëtutjeshme. Kujtojmë se të enjten, kjo prokurori ka ngritur aktakuzë edhe ndaj tetë personave të tjerë për të njëjtat zgjedhje. https://klankosova.tv/aktakuze-ndaj-tete-personave-per-zgjedhjet-e-14-shkurtit-njeri-nga-ta-ish-deputet/?fbclid=IwAR20pabsUvy6zAogbYzWr2Am92TaztVtMAWVpUyaqFFA4i2rXmOp_LRbikU

klankosova.tv