Aksioni te Agjencia Kadastrale, zyrtari i dyshuar u prangos vjet – qëndroi në paraburgim 1 muaj

Një aksion i përbashkët i Policisë dhe Prokurorisë është zhvilluar në Agjencia Kadastrale e Kosovës, ku deri më tani është arrestuar të paktën një person. Burimet e gazetares së Klan Kosovës, Altiana Zogaj kanë bërë të ditur se personi i prangosur është B.Sh. Sipas të njëjtave burime, aksioni lidhet me çështje të pronave. Sipas informacioneve fillestare, rasti ndërlidhet me arrestime të mëhershme, ku të paktën tre persona ishin vënë në pranga lidhur me dallavere me prona. Po ashtu, mësohet se cak i këtij aksioni është edhe një zyrtare tjetër, megjithëse ende nuk ka detaje të reja lidhur me arrestimin e saj. B.Sh., i cili kishte qenë në paraburgim gjatë vitit 2025 për 30 ditë, në një rast të ngjashëm që kishte të bënte me keqpërdorime pronash. Atëherë, sipas burimeve, dëmi i shkaktuar vlerësohej rreth 15 milionë euro. Hetimet aktuale dyshohet se lidhen me falsifikim të dokumenteve për prona publike dhe private, raporton Klankosova.tv. https://klankosova.tv/bastisjet-te-agjencia-kadastrale-nje-i-arrestuar-per-dallaveret-me-prona-111/