Aksion policor në Njësinë e Patentë Shoferëve në Prishtinë

Një aksion policor është duke u realizuar në Njësinë e Patentë Shoferëve në Prishtinë. Këtë për Klankosova.tv e ka konfirmuar zëdhënësi i Policisë së Kosovës, Daut Hoxha i cili njoftoi se aksioni po realizohet nga ekipet për hetimin e Korrupsionit në kuadër të krimeve ekonomike, në bashkëpunim me Prokurorinë kompetente në Prishtinë. "Policia e Kosovës, ekipet per hetimin e Korrupsionit në kuadër të krimeve ekonomike janë duke realizuar një operacion policor në bashkëpunim me Prokurorinë kompetente në Prishtinë. Pas përfundimit te operacionit dhe raportimeve nga terreni detajet tjera do të bëhen të ditura më vonë nga kompetentët", thuhet tutje në konfirmim./Klankosova.tv