Aksion kundër bixhozit në Prishtinë dhe Pejë, arrestohen 10 persona

10 persona janë arrestuar në Prishtinë dhe Pejë, gjatë një aksioni kundër bixhozit,  të udhëhequr nga Prokuroria Speciale e Kosovës.

Ata janë ndaluar për 48 orë.

Gjatë aksionit janë intervistuar edhe 15 persona të tjerë.

Personat e ndaluar dyshohen për veprat penale të ‘krim i organizuar’, ‘organizimi i skemave piramidale dhe bixhozit të paligjshëm.

Gjatë bastisjes së 12 lokacioneve, nuk janë gjetur edhe gjashtë persona, të cilët mbeten në kërkim policor.

Si prova materiale janë konfiskuar:

Para të gatshme – 4 mijë e 423 euro;

Dy aparate të lojërave të fatit;

25 telefona mobile;

Dy DVR;

Materiale/dokumente relevante për rastin.