Lajmet e fundit
Policia e Kosovës e ka konfirmuar vdekjen e një këmbësori në rrugën "Azem Bejta" në Skenderaj.
Zëdhënësi i policisë për rajonin e Mitrovicës, Avni Zahiti tha për Klankosova.tv se në aksident janë përfshirë një veturë dhe një këmbësor.
Si pasojë e aksidentit, Zahiti tha se në vendin e ngjarjes ka humbur jetën këmbësori, rreth 74-vjeçar.
"Drejtuesi i automjetit është shoqëruar në Stacion Policor për procedura të mëtejme. Njësitet relevante policore, përfshirë hetuesit e aksidenteve të trafikut, kanë dalë në vendin e ngjarjes dhe janë duke zhvilluar hetime për të sqaruar shkaqet dhe rrethanat e këtij aksidenti", tha ai.
