Aksident në rrugën Prizren–Dragash, kolona deri në pesë kilometra

Një aksident trafiku ka ndodhur të hënën në rrugën magjistrale Prizren–Dragash, mes një veture, një furgoni dhe një kamioni.

Klankosova.tv ka siguruar pamje nga vendi i ngjarjes, ku shihen automjetet e dëmtuara nga përplasja.

Si pasojë e aksidentit, është shkaktuar një kolonë e gjatë e automjeteve, që thuhet të ketë arritur deri në pesë kilometra.

Klankosova.tv ka kontaktuar Policinë e Kosovës dhe është në pritje të një përgjigjeje zyrtare për më shumë detaje lidhur me rastin. /Klankosova.tv