Aksident në Qerim të Gjakovës, zjarrfikësit nxjerrin të lënduarin nga vetura (VIDEO)

Sot rreth orës 08:00 të mëngjesit, Brigada e Zjarrfikësve të Gjakovës ka intervenuar në një aksident trafiku të ndodhur në fshatin Qerim. Sipas njoftimit të publikuar, thuhet se menjëherë pas pranimit të njoftimit, njësitë përkatëse kanë dalë në vendin e ngjarjes, ku kanë realizuar me sukses tërheqjen dhe nxjerrjen e një personi nga automjeti i aksidentuar, duke vepruar sipas procedurave operative standarde. "Pas stabilizimit fillestar në vendngjarje, personi i lënduar i është dorëzuar ekipit të Shërbimi i Urgjencës për trajtim të mëtejmë mjekësor", thuhet në njoftim transmeton Klankosova.tv. Autoritetet nuk kanë bërë të ditur detaje shtesë lidhur me gjendjen shëndetësore të të lënduarit apo shkaqet e aksidentit. Brigada e Zjarrfikësve ka theksuar se mbetet e përkushtuar në ofrimin e shërbimeve profesionale dhe reagimin e shpejtë në çdo situatë emergjente.