Aksident në Lloshkobare të Ferizajt, dy të lënduarit jashtë rrezikut për jetë

Një aksident i rëndë mes dy automjeteve ka ndodhur të premten pas mesditës, në Lloshkobare të Ferizajt. Për Klankosova.tv, Kanun Veseli, zëdhënës në Drejtorinë Rajonale të Policisë së Kosovës në Ferizaj, ka pohuar se të lënduar janë dy persona. “Si pasojë e aksidentit, përveç dëmeve materiale, dy persona kanë pësuar lëndime trupore”. “Në vendin e ngjarjes kanë dalë njësitë përkatëse policore, autoambulanca dhe zjarrfikësit, të cilët kanë ndërmarrë të gjitha veprimet e nevojshme sipas procedurave ligjore”, ka thënë Veseli. Klankosova.tv me anë të burimeve ka mësuar se të lënduarit janë jashtë rrezikut për jetë. /Klankosova.tv