Aksident në Bresje të Fushë Kosovës, të përfshira së paku dy vetura

Një aksident mes dy veturave ka ndodhur mëngjesin e së martës në Bresje të Fushë Kosovës. Bazuar në pamjet e një lexuesi të Klankosova.tv, një veturë ka dalë jashtë rrugës. Po në pamjet e dërguara në redaksi, shihet se Policia e Kosovës ka dalë në vendin e ngjarjes, megjithëse ende nuk dihet nëse ka të lënduar nga ky aksident. Klankosova.tv ka tentuar të kontaktojë me organet e rendit për më shumë informacione, mirëpo ende nuk ka pranuar ndonjë përgjigje.