Aksident me vdekje në aksin Milot–Rrëshen, humb jetën një 70-vjeçar

Rreth orës 21:30, në aksin rrugor Milot–Rrëshen, një automjet me drejtues ende të paidentifikuar ka përplasur një këmbësor. Si pasojë e përplasjes, një qytetar rreth 70 vjeç, ka ndërruar jetë në vendngjarje, abcnews.al, raporton KlanKosova.tv. Menjëherë pas ngjarjes, në vendin e aksidentit ka mbërritur grupi hetimor, i cili po vijon punën për identifikimin dhe kapjen e drejtuesit të automjetit, si dhe për sqarimin e plotë të rrethanave të aksidentit.