Aksident i rëndë në Krujë, humb jetën një 32-vjeçar

Një 32-vjeçar ka humbur jetën si pasojë e një aksidenti në fshatin Bubq të Krujës. Sipas Policisë së Shtetit, viktima dyshohet se ka humbur kontrollin e automjetit që drejtonte dhe është përplasur me një shtyllë elektrike, transmeton Klankosova.tv. “Rreth orës 06:15, në fshatin Bubq, shtetasi A. B., 32 vjeç, dyshohet se ka humbur kontrollin e automjetit që drejtonte dhe automjeti ka dalë nga rruga, duke u përplasur me një shtyllë elektrike. Për pasojë, 32-vjeçari ka humbur jetën”, njofton policia shqiptare. Grupi hetimor vijon punën për përcaktimin e shkaqeve të aksidentit.