Akil Gjakova kthehet në tatami pas nëntë muajsh

Nëntë muaj ka qenë jashtë garave xhudisti Akil Gjakova, që kaloi një lëndim dhe rikthimi i tij është gati. Fituesi i 12 medaljeve në këtë sport, do të luftojë në garën e njohur Grand Slam në Antalia të Turqisë, këtë të shtunë. Nëse 27 vjeçari arrin të luftojë për medalje, atëherë do të transmetohet direkt në kanalet e sportit në Artmotion nga ora 16:00. Kjo garë nis të premten dhe përfundon të dielën, kurse për shkak të kategorisë, Gjakova garon të shtunën. Sa i përket nivelit të garave Grand Slam, Akil Gjakova është kampion i Parisit në vitin 2018 dhe nënkampion i Abu Dhabi në të njëjtin vit. Bashkë me të në Antalia, po në kategorinë 73kg është edhe Dardan Cena. Xhudisti 19 vjeçar tashmë ka nisur të paraqitet në garat elitare. Vitin e kaluar doli i treti në Evropianin e Juniorëve, kurse e ka edhe një tjetër të bronztë në një kupë kontinentale. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS