Ajri i ndotur në Indi, Priyanka në xhirime me maskë

Aktorja Priyanka Chopra ka postuar një fotografi ku shihet se ka vendosur një maskë. përderisa po realizonte xhirimet në Nju Delhi. Kjo pasi kryeqyteti indian po përballet me ndotje të rëndë të ajrit, e cila ka arritur në nivele të padurueshme. "Është kaq e vështirë për të xhiruar këtu tani sa që unë as nuk mund ta imagjinoj se si duhet të jetë të jetosh këtu në këto kushte," shkroi Chopra në Instagram "Ne jemi të bekuar me pastruesit e ajrit dhe maska. Lutuni për të pastrehët. Bëhuni të sigurt për të gjithë", shtoi Chopra, së bashku me një thirrje për gjetjen e një zgjidhje lidhur me krizën. Cilësia e përkeqësuar e ajrit në Indi ka vënë miliona njerëz në rrezik të sëmundjes së frymëmarrjes. Zyrtarët shëndetësorë u kanë kërkuar njerëzve që të qëndrojnë brenda dhe të përmbahen nga kryerja e ndonjë aktiviteti fizik, ndërsa shkollat janë mbyllur deri të martën dhe mbyllja ka të ngjarë të zgjatet deri të premten. https://www.instagram.com/p/B4aSEX3nffs/?utm_source=ig_embed