Ajo që quhet ISIS – është DJ dhe kërkon respekt për emrin

Isis Brown është amerikane 14 vjeçare. Jetën nuk e ka aspak të lehtë, pasi njëjtë si ajo quhet edhe organizata famëkeqe terroriste. Në fakt, Isis Brown e ka marrë emrin sipas perëndeshës egjiptiane të shëndetit, urtësisë dhe martesës. Respekt ndaj perëndeshës Isis tregonin edhe romakët. Ajo konsiderohej si shembull i nënës dhe gruas ideale, mbrojtëses së natyrës dhe mbizotërueses ndaj të mbinatyrshmes. Por, kjo nuk ka ndonjë rëndësi në ditët e sotme për Isis Brown, pasi bashkëmoshatarët e saj nuk kanë informata për prejardhjen e emrit, por e ndërlidhin me organizatën e cila i vret amerikanët, transmeton Klan Kosova. “Njerëzit më pyesin pse i urrej dhe i vras amerikanët”. “Unë iu them se nuk i urrej dhe nuk i vras amerikanët pasi edhe vetë jam amerikane”. Ndonëse në kohën e lirë punon si DJ, disa herë i është dashur që ta ndërrojë shkollën për shkak të problemeve. Isis Brown ka vendosur që të flasë në emër të vajzave që quhen si ajo. “Të gjitha ju vajza që quheni Isis – duajeni emrin tuaj. Atë e keni sipas perëndeshës Isis, e s’keni lidhje me organizatën terroriste”.   https://www.youtube.com/watch?v=UR9HkzkGjDI