Ahmeti i bën thirrje Qeverisë që të kërkojë nga SHBA-ja 500 mijë vaksina anti-COVID

Kryetari i Prishtinës, Shpend Ahmeti, i ka bërë thirrje Qeverisë së Kosovës që të bëjë kërkesë tek SHBA-të për të siguruar 500 mijë vaksina anti-COVID. "Shtetet e Bashkuara të Amerikës kanë vendosur që t'i ndajnë për miqtë 70 milionë vaksina të Astra Zeneca që i kanë kontraktuar më herët. Lus Qeverinë e Kosovës që të bëj kërkesë tek SHBA për 500 mijë vaksina". "Natyrisht që SHBA-të kanë shumë miq në nevojë, por nuk humbim asgjë nqs kërkojmë", u shpreh Ahmeti përmes një postimi në rrjetin social Facebook.