Agjenda e Kosovës para ndeshjes me Andorrën

Federata e Futbollit të Kosovës ka njoftuar në lidhje me agjendën e Kombëtares së Kosovës në prag të ndeshjes me Andorrën, që është e dyta në kuadër të kualifikimeve për Evropian. Ndeshja do të zhvillohet të martën mbrëma nga ora 20:45 dhe do të transmetohet në Klan Kosova, ndërsa nga stadiumi do të jepet edhe emisioni para dhe pas ndeshjes. Para kësaj, gjatë ditës së hënë është paraparë kjo agjendë: Konferenca për media e Kombëtares së Kosovës – ora 17:00, ku do të paraqitet selektori i Kosovës Alain Giresse. Stërvitja zyrtare e Kombëtares së Kosovës – ora 17:30. Konferenca për media e Kombëtares së Andorrës – ora 18:15. Stërvitja zyrtare e Kombëtares së Andorrës – ora 19:00. Aktivitetet zhvillohen në stadiumin “Fadil Vokrri”. Stërvitjet janë të hapura për media 15 minuta.