Aeroplani kalon i vetëm hapësirën ajrore iraniane - ndiqet nga mijëra njerëz

Ndërsa tensionet në Lindjen e Mesme rriten pas sulmit izraelit ndaj Iranit, hapësira ajrore e të dy vendeve, si dhe ajo e Irakut, Sirisë dhe Jordanisë, është mbyllur për fluturime. Megjithatë, pas sulmit hakmarrës me raketa të Iranit, vetëm një fluturim komercial vazhdoi për në Teheran gjatë natës nga e premtja deri të shtunën, ndërsa të dy vendet vazhduan bombardimet e tyre. Fluturimi IRM50 i Mahan Air, një linjë ajrore iraniane e sanksionuar nga Perëndimi, u nis nga Bangkoku i Tajlandës të premten në mbrëmje dhe u ul në Aeroportin “Imam Khomeini” të Teheranit në orët e para të së shtunës, transmeton Klankosova.tv Mijëra njerëz në mbarë botën e ndoqën IRM50 drejtpërdrejt në faqet e internetit të gjurmimit të fluturimeve si FlightRadar dhe FlightAware, ndërsa fluturonte vetëm gjatë minutave kur hapësira ajrore mbi Lindjen e Mesme ishte plotësisht e zbrazët, nga frika se avioni do të rrëzohej. Gjatë udhëtimit, avioni zhdukej nga sistemi i gjurmimit herë pas here dhe raportohet se me shumë mundësi avioni ka çaktivizuar transponderët e tij për arsye sigurie ndërsa ndodhej në hapësirën ajrore iraniane dhe kështu të jetë zhdukur nga sistemet e gjurmimit. Një arsye pse fluturimi i Mahan Air është shqetësues është se linja ajrore ka qenë vazhdimisht në agjendën politike dhe ka qenë shënjestër e sanksioneve të gjera. /Klankosova.tv