Arkeologët zbulojnë një varëse që lidhet me Anne Frank

Hulumtuesit që kishin filluar kërkimet në kampin nazist të përqendrimin në Sobibor, kanë zbuluar një varëse identike sikur ajo që dikur e mbante e famshmja Anne Frank, shkruan BBC, transmeton Klan Kosova. Ekspertët nga Izraeli, besojnë se varësja i përkiste Karoline Cohn, e cila e njohte shkrimtaren 14 vjeçare. Sikurse Frank, Cohn kishte lindur në Frankfurt në vitin 1929. Historianët thonë se ata kishin gjetur provat për vetëm dy varëse të këtij lloji. Varësja e vogël në formë trekëndëshi, ka në të trija anët të gdhendura fjalët “Mazal Tov” në hebraisht, së bashku me datën e lindjes së Cohn dhe emrin e qytetit të saj në Frankfurt. Arkeologët tani janë në përpjekje për të zbuluar mbetje të tjera të vajzës historike.