Ademi: Më dhemb humbja, shihja ëndrra me pa Kosovën deri në çerekfinale të Botërorit (VIDEO)

Aktori dhe producenti i njohur, Fisnik Ademi, ka komentuar humbjen e Kosovës nga Turqia dhe pritjet e kosovarëve që ishin ngritur për ta parë shtetin e tyre në Kupën e Botës. Në Rubikon të Klan Kosovës, Ademi, që është edhe adhurues i madh i futbollit, ka thënë se për të ka qenë dhimbje moskualifikimi në Botëror. “Më ka dhimtë shumë që nuk jemi kualifikuar. Ëndrra shihsha me pa Kosovën deri në 1/8 e finales ose në çerekfinale në Botëror. Jam munduar ta bëjë një paralele me Kombëtaren e Kroacisë në Botëror.”, ka thënë Ademi. Ai ka shtuar se pavarësisht pritjeve të mëdha për ta parë Kombëtaren në Botëror, nuk ndihet i zhgënjyer. “Nuk ndihem i zhgënjyer por krenar me performancën e djemve. Mbrëmë ka qenë një presion i madh dhe besoj se nuk kemi qenë të gatshëm për këtë lloj presioni. Në minutën e 70-të pati një ndryshim, me inkuadrimnin e Zhegrovës, por ishte tepër vonë. Në disa ndeshje që kemi pas, kemi treguar që kemi pasur kualitet. Në disa ndeshje kemi pas rezultate shumë të mira.”, ka thënë Ademi në emisionin Rubikon. /Klankosova.tv https://www.youtube.com/watch?v=ClaIFtArJNo