Adelina Thaçi e kujton momentin kur gjatë luftës me familjen e saj u rrethuan nga forcat serbe (VIDEO)

Këngëtarja Adelina Thaçi e ka treguar momentin se kur ka menduar që ka rilindur sërish. Në emisionin “Sol” në Klan Kosova, ajo ka kujtuar kohën e luftës së fundit në Kosovë, dhe ka treguar një rast kur asaj dhe familja e saj ishin rrethuar nga forcat paramilitare serbe. “Isha vetëm 18-vjeç kur mua dhe familjen time na larguan nga shtëpia jonë. Ishim më veturën e babait, unë, nëna ime dhe dy vëllezërit. Jemi dalë jashtë kufijve në atë kohë, në Bllacë, edhe ka qenë një moment kur disa kerre të policisë serbe na kanë rrethuar veturën tonë”. “Na kanë drejtuar tytat e armëve, aty jam përgatitur dhe kam thënë: ‘A thua si ka me qenë plumbi?’. Mandej kur e kemi kaluar pa probleme,  e kemi kaluar kufirin, do ta quaja si një rilindje timen atë moment, ai moment për mua ka qenë shumë tragjik”, ka thënë Thaçi. /Klankosova.tv https://www.youtube.com/watch?v=lTpiO2Pub2c&t=604s