Numri i qytetarëve që shkuan në tubim, duket se tejkaloi pritjet e LDK-së në Shtime.
Andaj para nisjes së tubimit zgjedhor, u bë lutje që të pranishmit të zënë vend, raporton Klan Kosova.
Krahas atyre në tribuna, për disa në parket u desh të sillen ulëse shtesë.
Një nga kandidatet u tregoi nga këmisha e veshur se çfarë numri ka, e dikush solli një pankartë të shkruar vetë.
Kur krejt bëjnë vend, vjen ai që ka mësyrë pozitën e kryeministrit, e i cili nikoqirët i nderoi me duartrokitje më të gjatë.
Pas himneve, kryetari i degës tha që LDK-ja duhet të fitojë edhe në nivel lokal, si në qendër.
Se do marrë besimin me shumicë në Shtime, nuk pati dyshime Lumir Abdixhiku.
E si lider i partisë, shtimjanëve iu tha se qeveria aktuale me 51% të votave e 12 miliardë buxhet, s'ia bëri vërr punës.
Populli dardan, sipas tij, nuk e meriton të udhëhiqet nga dikush që mbeti mbrapa në integrim.
Abdixhiku premtoi se kur të jetë në ulësen e kryeministrit, do ketë fokus të veçantë për Shtimen.
Para kësaj, lideri i LDK me bashkëpunëtorë kaloi pasditen në Krushë të Madhe të Rahovecit.
Nga ky fshat tha se ata që keqpërdorën pushtetin 4 vjetët e kaluara, do të japin llogari, cent më cent. /Klankosova.tv
https://youtu.be/IP3XJSUvbsM
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
