Abdixhiku: Nuk ka pasur kushte nga Vjosa Osmani për listën e LDK-së

Kreu i LDK-së, Lumir Abdixhiku tha se nuk ka pasur kushte nga ish-presidentja Vjosa Osmani dhe se raportimet për kërkesa në listën e Lidhjes Demokratike të Kosovës janë të pasakta. Sipas tij, bashkëpunimi mes palëve bazohet në mirëbesim dhe vullnet për ta finalizuar marrëveshjen, ndërsa renditja në listë nuk ka rëndësi. “Asnjë kusht me Vjosën s’kemi pasë. Ky përbashkim nënkupton që ne ndërtojmë relacione me mirëbesim. Nuk pritet për kushte, ato raportime kanë qenë të pasakta. Kemi vullnetin e LDK-së për ta finalizuar këtë marrëveshje. Renditja në listë për mua s’ka fare rëndësi”, tha Abdixhiku, transmeton Klankosova.tv Ndërkohë, ish-presidentja Vjosa Osmani sot ka deklaruar se nuk ka kërkuar që të jenë katër emra në top dhjetëshen e Listës së LDK-së. /Klankosova.tv