Abdixhiku mbyll natën me Dardanët e Kosovës

Kandidati i LDK-së për kryeministër, Lumir Abdixhiku mbrëmjes e mbylli me tifozët e Kombëtares së Kosovës, Dardanët. Para tyre, Abdixhiku prezantoi projektin madhor në sport, kryesisht në futboll, transmeton Klankosova.tv. "Mbrëmjen e mbylla me më të mirët, tifozët e Kombëtares së Kosovës, DARDANËT!  Më pritën, me plot ngrohtësi, në shtëpinë e tyre, tek stadiumi ‘Fadil Vokrri’.  U prezantova projektin tonë madhor në sport, kryesisht në futboll. U fola për Qendrën e Re Kombëtare të Sportit që do të ndërtohet në 64 hektarët në Bërnicë; investim 120 milionësh nga qeveria, po aq nga sektori privat". "Në këtë Qendër, të paparë në rajon, do të jetë Stadiumi i Ri Kombëtar me 25-30 mijë ulëse, Pallatin e Ri Kombëtar me sallën për Sporte me Dorë; Pishinën Olimpike, Fushat e Tenisit, Gaming Hall, Fakultetin e Edukatës Fizike, e qendrën e madhe komerciale dhe hotelierike! Modernitet i kohës; zotim tashmë i nënshkruar nga unë dhe Kryetari i Kryeqytetit. Po ashtu, u fola për 5 stadiumet rajonale të kategorisë së UEFA-s 3 dhe 4, investim 60 milionësh!", ka shkruar kreu i LDK-së në Facebook. Tutje, ai tha se dardanët kanë ndërtuar identitetin  e sportit në futbollin kosovar, ëndrrën e Kombëtares, transmeton Klankosova.tv. "Dardanët kanë arritur të ndërtojnë identitetin e sportit e futbollit tonë. Kanë ndërtuar vet ëndrrën e Kombëtares së Kosovës dhe mijëra fëmijëve tanë që projektojnë heroizmat në Fadil Vokrri, si heronj modern të Republikës! Ju faleminderit për pritjen kaq të ngrohtë Faleminderit për mbështetjen në rrugëtimin tim dhe ekipit tim!".