Abdixhiku: LDK është shndërruar në shtëpinë e shpresës për të gjithë qytetarët e Kosovës

Kandidati i LDK-së për kryeministër, Lumir Abdixhiku sonte ka mbajtur një tubim në Istog, ku u shpreh se populli është bashkuar për të ardhmen e ndritshme të vendit, dhe siç u shpreh ai, nuk ka asgjë që e përçan. Përmes një postimi në Facebook, Abdixhiku tha se LDK-ja është shndërruar në shtëpinë e shpresës për të gjithë qytetarët e Kosovës. “Pa fjalë! Në këtë mbrëmje plot shpresë e dritë, Istogu i Ibrahim Rugovës na e dëshmoi edhe një herë se ëndrra për Kosovën që duam po bëhet gjithnjë e më e prekshme. E papërshkrueshme ndjenja që na e dhatë sonte!  Në çdo pëllëmbë të vendit, qytetarët janë shndërruar në shembullin më frymëzues të asaj që mund të arrihet kur qëndrojmë të bashkuar rreth një vizioni dhe një kauze - për jetë më të mirë dhe për mundësi të barabarta për të gjithë”. “Populli është bashkuar për të ardhmen e ndritshme të vendit, dhe nuk ka asgjë që e përçan! Lidhja Demokratike e Kosovës është shndërruar në shtëpinë e shpresës për të gjithë qytetarët e Kosovës, dhe s’ka asgjë që na e ndal hapin”. “Prandaj, me 9 shkurt, ju ftoj të gjithë qytetarëve të Kosovës, ju që jetoni me familjet tuaja këtu, që punoni ndershëm e që meritoni jetë më të mirë në vendin tuaj - të votoni për ndryshimin e madh që do ta sjell LDK-ja, dhe t’ju bëni thirrje miqve e familjarëve tuaj të dalin të votojnë, dhe ta mbështesin të vetmen alternativë për të ardhmen e ndritshme të Kosovës”, ka shkruar Abdixhiku./Klankosova.tv.