Zëvendëskryeministri Haki Abazi ka vizituar sot Ministrinë e Punëve të Brendshme dhe Administratës Publike.
Këtë e bëri të ditur me anë të një postimi në rrjetin social Facebook Ushtruesi i detyrës së ministrit të Punëve të Brendshme dhe Administratës Publike, Xhelal Sveçla, i cili deklaroi se e ka njoftuar Abazin për dinamikën e punës këto ditë kur po përballen me virusin Covid-19.
“Bashkë e vizituam Grupin Ndër-Institucional për Menaxhimin e Incidenteve të cilët po punojnë 24/7 në Qendrën Operative të MPBAP. Poashtu vizituam edhe Qendrën Kombëtare për Menaxhim Kufitar ku nga afër u njoftua për punën që po bëhet në menaxhimin e kufirit në të gjitha pikat e kalimit kufitar në Republikën e Kosovës”.
“Diskutuam për masat e qeverisë për parandalimin e përhapjes së virusit si dhe për vendimet që kemi marrë si Ministri. Përveç përgëzimeve nga Hakiu morëm edhe mbështetje të pakursyer. Presim që masat që po i marrim do të zbatohen me përpikmëri nga qytetarët”, ka shkruar Sveçla.
●●●
LGSHKRIMI NGA
L. Ga.
Editorial nga Klan Kosova — ndjek lajme dhe zhvillimet e tjera kryesore të vendit.
