A pritet lirimi i ish-krerëve të Ushtrisë Çlirimtare të Kosovës? (VIDEO)

Ish-deputeti i PDK-së, Enver Hoxhaj, ka thënë se pret lirimin e ish-krerëve të Ushtrisë Çlirimtare të Kosovës që ndodhen në paraburgim përreth 6 vjet në Hagë. Të shtunën në emisionin “Info Magazine” në Klan Kosova, Hoxhaj tha se pret që Hashim Thaçi, Kadri Veseli, Rexhep Selimi e Jakup Krasniqi t’iu kthehen familjeve të tyre shumë shpejt, transmeton Klankosova.tv. Pos tjerash, ai tha se procesi gjyqësor ndaj çlirimtarëve, sipas tij, ka qenë i padrejtë dhe i panevojshëm. “Ne presim lajme të mëdha dhe pozitive, që Thaçi, Veseli, Krasniqi dhe Selimi, mbi të gjitha, i kthehen familjeve të tyre, iu kthehen bashkëluftëtarëve, por edhe Kosovës, meqë procesi gjatë këtyre 6 viteve të fundit ka qenë i padrejtë dhe i panevojshëm. I besojmë drejtësisë ndërkombëtare.”, tha Hoxhaj. Ai njëherësh tha se ka pasur shqetësime lidhur me pretendimet e prokurorisë, duke theksuar se, sipas tij, ato kanë tentuar të kriminalizojnë luftën për liri dhe pavarësi. https://www.youtube.com/watch?v=FhvZ8KWEHhU&t=13s