Çdo skenar lufte midis Ukrainës dhe Rusisë do të rrezikonte padyshim sigurinë energjetike evropiane. Furnizimet ekzistuese të energjisë në rajon nuk janë ende të mjaftueshme, duke përbërë vetëm 38 përqind të kapacitetit të ruajtjes së Evropës, sipas Gas Infrastructure Europe.
Por mungesa në krahasim me dimrat e mëparshëm po ngushtohet dhe çmimet po tërhiqen nga nivelet rekorde. Në këtë sfond, emiri i Katarit u përmend nga presidenti i Shteteve të Bashkuara të Amerikës, Joe Biden, në Shtëpinë e Bardhë, këtë javë për të diskutuar mundësitë që vendi të furnizojë në mënyrë adekuate gaz natyror të lëngshëm (LNG) në Evropë.
Duke folur së bashku me udhëheqësin e Katarit, Sheikh Tamim Bin Hamad, gjatë takimit të Zyrës Ovale të hënën, Biden e quajti Katarin një "aleat i madh që nuk është anëtar në NATO", duke e vendosur kështu atë në një pozicion të nivelit të lartë të partnerëve të sigurisë së SHBA-së.
Në rast se bëhet një gjë e tillë për një afat të shkurtër, disa nga blerësit afatgjatë të gazit të lëngshëm natyror të Katarit do të duhet të jenë të gatshëm të devijojnë dërgesat në Evropë. Qeveria në Doha do të preferonte që çdo kërkesë për devijim të vijë drejtpërdrejt nga SHBA-ja tek blerësit.
Në mënyrë të ngjashme, kërkimi i mbështetjes së Katarit për furnizimet e ardhshme, nëse kriza energjetike në Evropë përkeqësohet, është një hap i madh gjeo-ekonomik për të zbutur në vazhdën e agresionit rus ndaj Ukrainës. "Asnjë diskutim nuk ka ndodhur... kjo nuk ka ndodhur," tha për Reuters, shefi i Katar Energy dhe ministri i Shtetit për Energjinë, Saad Al-Kaabi.
Sipas një raporti të Këshillit Atlantik, Katari e shet pjesën më të madhe të gazit në Azi me kontrata afatgjate të indeksuara nga nafta. Prandaj, është e rëndësishme të pyesim, a do t'iu ofrohet Katari klientëve të tij aziatikë lidhur me devijimin e furnizimeve me gaz në Evropë? Aktualisht, kjo duket e pamundur dhe shumica e evropianëve mund të presin një rritje të kufizuar të gazit nga shteti i Gjirit.
Ministri Al-Kaabi e ka bërë tashmë të qartë se nëse Rusia e zvogëlon furnizimin e saj në Evropë, asnjë vend nuk do të jetë në gjendje të mbushë boshllëkun. Kjo deklaratë tregon se Katari është ende në fazat e finalizimit të përzgjedhjes së partnerëve të tij tregtarë për tregtinë e ardhshme. Ajo është ende duke diskutuar me vendet kliente për furnizimin me gaz dhe nuk do të emërojë blerësit e përzgjedhur, përveç MB-së.
Në fund të vitit 2021, pas COP26, Katari ridrejtoi katër cisterna te gazit në Mbretërinë e Bashkuar për të ndihmuar me mungesën e energjisë. Për më tepër, marrëdhëniet e gazit midis dy kombeve kthehen në mandatin e ish-kryeministres së Mbretërisë së Bashkuar, Theresa May. Në vitin 2008, Britania mori anijet e para me gaz nga një dok në terminalin South Hook pranë Milford Haven, një nga terminalet më të mëdhenj të gazit në Evropë, të cilin Katari e zotëron. Katari investoi në MB me lëshimin e terminaleve të gazit, duke qenë pronari më i madh i terminalit South Hook LNG në Uells. Ndërkohë, kompania e energjisë dhe shërbimeve në Mbretërinë e Bashkuar Centrica ka një marrëveshje afatgjate të importit të të gazit nga Katari për dërgimin në terminalin e ishullit Grain. Prandaj, ka shumë të ngjarë që diplomacia e gazit e Katarit në MB mund t'i japë fund krizës së furnizimit me energji të Britanisë, pavarësisht se çfarë ndodh në Evropë.
Nga ana tjetër, me gjithë përkeqësimin e krizës energjetike në Evropë, Gjermania po përgatitet të zbatojë sanksione ndaj Rusisë. Në rast të një pushtimi rus të Ukrainës, Gjermania do të detyrohej të ndalonte gazsjellësin Nord Stream 2, brenda kontekstit të strategjisë së sanksioneve politike ose ushtarake të Bashkimit Evropian. Ky skenar do të intensifikonte më tej krizën energjetike të Evropës. Megjithatë, BE-ja është vetëm një palë e interesuar e këtij projekti Nord Stream të nënshkruar gjatë periudhës së Angela Merkel. Si e tillë, Rusia mund të bëjë pazare me palët e tjera për të mbrojtur interesat e saj.
Me sa duket, fati nuk është një strategji afatgjatë për sigurinë energjetike në Evropë. Është e qartë se taktikat e Putinit për armatimin me gaz dhe gabimet e Evropës në lidhje me çmimet e energjisë mund të dëmtojnë sigurinë energjetike të Evropës. SHBA dhe Evropa do të duhet të bindin klientët e gazit natyror të Katarit që të ridrejtojnë disa furnizime në Evropë, pasi çdo marrëveshje e arritur midis emirateve dhe administratës së Biden mbështetet në gatishmërinë e vendeve kliente për të ridrejtuar.
Në fund të fundit, SHBA-ja do të duhet të kompensojë Katarin dhe vendet kliente të tij. Kjo mund të jetë e vështirë, por është e mundur deri në një farë mase, pasi Katari ridrejtoi furnizimet e tij me gazin e lëngshëm në 2011, duke i dhënë përparësi Japonisë pas cunamit të atij viti. Mund të jetë në gjendje të mbajë disa pjesë të Evropës të ngrohta nëse shpërthen lufta midis Rusisë dhe Ukrainës.
(Botuar në middleeastmonitor.com, përkthyer nga Klankosova.tv)
