A ka lindur Anne Hathaway?

Duket se Anne Hathaway tashmë është nënë e dy fëmijëve! Aktorja dhe bashkëshorti i saj, Adam Shulman, janë parë duke shëtitur në park në Connecticut bashkë me djalin e tyre trevjeçar Jonathan – dhe duket edhe me foshnjen e tyre. Në fotografitë që janë publikuar nga Daily Mail, aktorja – e veshur me pallto, kapele, çizme dhe dorëza – është parë duke ecur përkrah bashkëshortit të saj që po e mbante një karrocë që dukej se ishte për foshnja të sapolindura. 37 vjeçarja Hathaway kishte bërë të ditur në muajin korrik në Instagram se ajo dhe bashkëshorti i saj 38 vjeçare po e presin fëmijën e tyre të dytë. Në ndërkohë, ka disa javë që aktorja nuk është parë në publik, madje ajo nuk ka qenë e pranishme as në premierën e filmit të saj të ri “Dark Waters” më 13 nëntor. “Është një për arsye madhore, por unë jam shumë e mërzitur që sot nuk kam qenë bashkë me miqtë e mi të “Dark Waters”. Jam shumë krenare me punën e tyre në këtë film kaq special dhe të nevojshëm”, kishte shkruar ajo në Instagram.