Lulzim Zhegrova, kandidati për deputet nga radhët e Lidhjes Demokratike të Kosovës, në një intervistë për Rubikon në Klan Kosova, ka folur me admirim për talentin e djalit të tij, yllit të futbollit Edon Zhegrova.
Edoni, i cili përveç që ka karrierë të suksesshme ndërkombëtare, për çka edhe njihet si “Messi i Kosovës”, luan edhe për Ekipin Kombëtar të Kosovës.
Babi i tij, pa modesti tregon se a e sheh Edonin si “Messi i Kosovës”.
“Çdo herë i kanë thënë ‘Messi i Kosovës’, por ky duhet të quhet ‘Edoni i Kosovës’, se ka bërë emër tash në futboll, e shohim edhe në Ligën e Kampionëve në çdo lojë që ka luajt është shpall më i miri, edhe në lojën me Real Madridin. Të gjithë i kanë thënë ‘Messi i Kosovës’, por mendoj që tash është ‘Edoni i Kosovës’. Këtë e ka bërë me punë dhe talentin që e ka. Edoni talentin e ka por sa bën punë, është e jashtëzakonshme. Çdo ditë nga ora 9 deri në ora 3 është në stërvitje, një orar të plotë, me fitnes, me ushqim, me të gjitha”, tha Zhegrova.
Lulzimi më tej tha se Edoni ka qenë ndër katër lojtarët më të mirë në Francë, disa herë është zgjedhur edhe lojtari i muajit në Zvicër, Belgjikë e Francë.
https://youtu.be/uMDimgiMR4I
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
