A e dini sa kushton prezervativi më i shtrenjtë në botë?

Seksi i sigurt është diçka që sugjerohet për të gjithë ata që s’e kanë në plan të shtojnë anëtarët e familjes, apo për të rinj që në planet e tyre s’është madje as martesa. Prandaj një nga format më të sigurta është seksi me prezervativ. Për shkak të përdorimit të shpesh të kësaj forme mbrojtjeje edhe prezervativët tani nuk janë një produkt që kushton shumë – por, me një kusht. Ai s’duhet të jetë Louis Vuitton. Përndryshe do ju duhet të paguani 68 dollarë, apo 63.76 euro për ta pasur një të tillë, njofton Klan Kosova. Prezervativi LV është më i shtrenjti në botë. Por, ajo që është e çuditshme rreth këtij prezervativi është se ai nuk prodhohet fare nga  Louis Vuitton. Prodhuesi i tij është një stilist-ndërmarrës nga Georgia i quajtur, Irakli Kiziria.

klankosova.tv