A e dini nga i morën emrat "Adidas", "Google", "Pepsi"...?

Për çdo ditë jeni me to, por zor se e dini se nga i morën emrat. Brendet më të njohura të botës, janë emërtuar në mënyra të ndryshme. Për disa themeluesit u menduan gjatë, e te ndonjë tjetër, emri u vu krejt rastësisht. Diku diku edhe gabimisht. Klan Kosova ju sjell historinë e emrave të dhjetë prej brendeve kryesore të botës, të nxjerrë nga portalet "Standard" dhe "Express", që kanë mbledhur shpjegimet për to, të shfaqura në media të ndryshme. "Yahoo" është marrë nga një emër fisi në romanin "Udhëtimet e Guliverit". Steve Jobs e emërtoi "Apple"-n e tij nga pema e preferuar, molla. "Lego" është kombinim i dy fjalëve daneze, që në përkthim do të thonë "Luaj dhe kënaqu". Xhef Bezos vendosi ta quajë librarinë e tij "Amazon", sipas lumit më të madh në botë, që ka po këtë emër. Ai donte që libraria e tij të ishte po ashtu më e madhja në glob. "Pepsi" e mori emrin sipas enzimit "Pepsina", nga i cili prodhohet. Një shpjegim tjetër thotë se "Pepsi" u mor nga fjala "dyspepsia", që është dhimbje barku. "Adidas" mori emrin sipas themeluesit të firmës, Adolf Dasler. Këtë miqtë e tij e quanin Adi. Me bashkimin e këtyre tri shkronjave dhe tri tjerave, të parat, nga mbiemri, u formua "Adidas". Më parë është menduar se Adidas vjen nga "All Day I Dream About Soccer" (Gjithë ditën ëndërroj për futboll). "Nike" është emër i perëndeshës greke të fitores. Për "Google" ishin menduar shumë disa koka të mençura të Universitetit të Stanfordit. Njëri nga propozimet e shumta ishte "googolpex", por ishte një student, që duket mos ditur ta shqiptojë këtë fjalë tha "google", gjë që u pëlqeu tjerëve. Pra, punë fati. "Rolex" ishte një fjalë që që pronari i firmës thotë se i erdhi në vesh, nga shpirti i mirë, teksa po ngiste automobilin e tij. "McDonald" mori emrin nga mbiemri i vëllezërve Dick and Mac McDonald. Ata ishin pronarë të një fast foodi në San Bernardino të Californias.

klankosova.tv