Lajmet e fundit
Belgjika po shihet si pretendentja kryesore për Euro 2020, ku Romelu Lukaku ngjitet në klasifikimin e golashënuesve më të mirë dhe ekipi mban një rekord perfekt të fitores.
Megjithatë, ekziston një shkak i vogël shqetësimi për Kevin De Bruyne dhe Eden Hazard, që potencialisht nuk janë në gjendje të luajnë në çerekfinalen e ardhshme kundër Italisë.
Roberto Martinez tha se të dy lojtarët mund të humbin ndeshjen çerekfinale kundër Italisë, për shkak të dëmtimeve që kanë pësuar.
"Të gjithë e dimë se po luftojmë kundër kohës. Ne do të presim deri në minutën e fundit për të marrë atë vendim. Ne do të shohim nëse ata mund të luajnë apo jo. Fatkeqësisht, për momentin nuk mund të marrim një vendim", tha trajneri gjatë konferencës për shtyp.
De Bruyne dhe Hazard ishin jashtë fushës gjatë fitores kundër Portugalisë, raporton Goal, transmeton Klankosova.tv.
Të dy yjet e Belgjikës janë veteranë të ekipit, dhe mungesat e tyre me siguri do të vërehen kundër favoritëve të rinj të turneut, Italisë.
Yjet çaluan jashtë fushës, por strategu ka deklaruar se dëmtimi nuk është serioz. Megjithatë, ai është i kujdesshëm në lidhje me mundësinë e kthimit të tyre në veprim të plotë në kohë për sot.
De Bruyne duhej të zëvendësohej nga Dries Mertens pasi mori një dëmtim në kyçin e këmbës pas një ndërhyrjeje të palejuar nga Joao Palhinha, ndërsa Hazard vuante nga një problem i kërcellit.
Hazard sapo kishte luajtur ndeshjen e tij të parë të plotë 90 minutëshe në më shumë se një vit, me dëmtimet që kufizonin kohën e tij në Real Madrid.
Nëse Belgjika pretendon fitoren kundër Italisë, ata do të përballen me Spanjën ose Zvicrën në çerekfinale.
