Regjisori Samir Karahoda, në një intervistë ekskluzive për Klankosova.tv kishte folur për nominimin e këtij filmi për “Palmën e Artë”, duke thënë se ishte një ndjenjë jo e zakonshme si për të ashtu edhe për tërë ekipin.
Filmi "Pa vend" mund ta shkruajë historinë në industrinë e filmit kosovar nëse arrin të fitojë në festivalin prestigjioz të filmit në Kanë.
Filmi me regji të Samir Karahodës është duke garuar për "Palmën e Artë" në kategorinë e filmit të metrazhit të shkurtër. Ai është përzgjedhur nga komiteti selektues i Festivalit të Kanës në dhjetë filmat më të mirë nga 3.739 filma nga mbarë bota.
Regjisori i filmit Samir Karahoda sonte është duke marrë pjesë në ceremoninë e ndarjes së çmimeve bashkë me regjisorët e nëntë filmave që janë konkurentë.
Pos Karahodës, prezent është edhe kryeministri kosovar Albin Kurti bashkë me gruan dhe vajzën e tij, njofton Klankosova.tv.
Filmi “Pa vend” sjell rrëfimin e klubit të ping-pongut nga Prizreni, ‘Lidhja e Prizrenit’, duke sjellë ngjarjen në kontekstin e situatës aktuale. “Pa vend” tregon përpjekjet e dy protagonistëve të udhëhequr nga trajneri i tyre që të mbajnë sportin e ping-pongut gjallë. Kujtojmë se xhirimet e këtij filmi kanë filluar në muajin shtator të vitit të kaluar dhe është filmi i dytë nga Kosova që arriti këtë sukses.
●●●
LGSHKRIMI NGA
L. Ga.
Editorial nga Klan Kosova — ndjek lajme dhe zhvillimet e tjera kryesore të vendit.
